*१. वायूपादानकत्वादग्न्युत्पत्तिस्थितिनाशानां वायुरुपादानकारणमग्नेः। यथा वायोरभावे दीपः प्रशाम्यति। अनुकूलवायुप्रदेशे अचलः प्रकाशते। तथैव समाधावन्तःकरणस्य सुतरामभावे शरीरं पतेत्। तस्मान्मनोबुद्धिचित्ताहङ्कारादिवृत्तिं विना सूक्ष्मरूपेण निर्वृत्तिकमेवान्तःकरणमास्ते। समाधेरुत्थानसमये समाधिसुखस्मरणसत्त्वात् अननुभूते च स्मरणासंभवात् समाधावपि वृत्तिसद्भावोऽनुमीयते। समाधावन्तः करणाभावे योगिशरीरं पतेदेव सुप्तदेहवत्। न तु तथा पतति। तस्मात् समाधावन्तःकरणमस्त्येवेति स्वीकर्तव्यमिति तात्पर्यम्।