उत्पत्तिविनाशावन्तःकरणवृत्तेर्भवतः। न ज्ञानस्य।

(१) आत्मस्वरूपभूतं ज्ञानं विशेषव्यवहारहेतुर्न भवति। किन्तु ज्ञानसहिता वृत्तिर्वृत्त्यारूढं वा ज्ञानं व्यवहारहेतुः। इयमवच्छेदवादस्य रीतिः।

(२) आभासवादे त्वाभाससहितया वृत्त्या व्यवहारो भवति। आभासद्वारा वा साक्षाद् वृत्तिद्वारा वा आत्मस्वरूपज्ञानेनैव सर्वव्यवहारः सिद्ध्यति। ज्ञानं विना तु न कोऽपि व्यवहारः सिद्ध्यति। इत्थं सर्वप्रकाशको ज्ञानस्वरूप आत्मैव। तस्मादात्मा चिद्रूपः।