विराजो विश्वस्य च यथाभेदस्तथा ओङ्कारप्रथममात्राया अकारस्य विराडूपविश्वेन सहाभेदोऽस्ति। तथा हि ब्रह्मणश्चतुर्षु पादेषु प्रथमः पादो विराट्। आत्मनश्चतुर्षु पादेषु प्रथमः पादो विश्वः। ओङ्कारस्य मात्रात्मकेषु चतुर्षु पादेषु प्रथमः पादोऽकारः। त्रयाणामेषामादित्वरूपधर्मसामान्यसत्त्वात् विश्वविराडकाराणामभेदं चिन्तयेत्। इत्थं विश्वस्य सप्ताङ्गान्येकोनविंशतिमुखानि च व्याख्यातानि।