प्रकारान्तरेणाहङ्ग्रहध्यानमिदानमुच्यते – प्रणवरूपे ओङ्कारे अहङ्ग्रहध्यानं *१ माण्डूक्यादिश्रुत्यनुसारेण सुरेश्वराचार्यैः कथितम्। तदनुष्ठानमप्युचितं मोक्षकामस्य। तस्यैवं क्रमः – प्रणवरूपमक्षरं ब्रह्मस्वरूपमेव। तादृशप्रणवस्वरूपं ब्रह्म अहमेव इति नैरन्तर्येणानवरतं ध्यायेत्। नैतत्समं किञ्चिदपि ध्यानमस्ति। एतच्यानस्य विशेषक्रमः सुरेश्वराचार्यैः पञ्चीकरणाख्ये ग्रन्थे प्रतिपादितः। एतदुपासकोऽपारं संसारं तरति। अत्राधिकारी सन्न्यास्येव।