यदुक्तं “अयं ग्रन्थो ज्ञानद्वारा बन्धनिवृत्तिहेतु”रिति, नायं समीचीनः सिद्धान्तः। “यद्येन जायते नान्येन, तत्तस्य फलं” इत्युच्यते। यथा रूपज्ञानं नेत्रं विना नान्येन केनचिदपि जायते; तस्माद्रूपज्ञानं नेत्रस्यैव प्रातिस्विकं फलम्। बन्धनिवृत्तिस्तु एतद्ग्रन्थजनितज्ञानमन्तरा कर्मणैव जायेतेति नास्य ग्रन्थस्य प्रयोजनम्। एवञ्चास्य ग्रन्थस्य प्रयोजनं न सिद्ध्यतीति नास्यारम्भो युक्तः।